Budget laka upor deh Kharge aro Nirmala muk lagi shae

July 24, 2024: Wednesday din, Rajya Sabha deh, Opposition aro government kan kotha kan exchange kuri shae. Opposition (LoP) Mallikarjun Kharge para government kan khali tuita states keh heh budgetary allocation dia karne accuse kuri shae. Tai para etu tho government keh baja bo karne ase kui shae aro kun bah manu kan keh kushi rakhi bo karne kura ase kui shae. House deh kotha kura time deh, Kharge para etu kui shae,” Etu kan sob manu ekjun keh kushi rakhi bo karne kura ase, chari baja bo karen aro mukan etu keh condemn kureh.” Congress aro alak opposition parties para union budget keh criticize kuri shae, Andhra Pradesh aro Bihar karne special allocation bana karne. Etu tuita state deh BJP kan TDP aro JDU lokot deh ekta coalition partner ase. “States kuteh opposition kan jiti shae aro BJP kan hari shae, utu jaka kan tho neglect kuri shae aro eku b dia nai. Balance nata kileh, kina development hobo,” Kharge para kui shae. Congress leader para Nirmala Sitharaman tho Karnataka para takhi nah, tai lokot deh bhal allocation expect kuri taki shae kui shae.