MUMBAI, OCTOBER 26 : Railway Minister Piyush Goyal pora Thursday din Mumbai-Ahmedabad Bullet Train rasta banabole nemite mati lua toh December moina etu salt e khotum kuridebo koi kena janaise.
Tai etu kotha janaidiya toh The Economist India Summit 2018 mana time te kotha kurikena janaidiya laga ase. Etu ke tai bi 5 ta jaka te etu train rasta banabole nemite bi janaise. Etubi Agra-Varanasi, Delhi-Chandigarh and Mumbai-Bengaluru jaka kan nemite.
Tai bi etu mati Mumbai-Ahmedabad Train Project nemite lobole kura toh besi deri lui ase. Aro etu toh December moina te hi khotum hobole ase. Aro etu deri hua toh mati malik kan ke bhal te kotha kurikena bhal te kotha mela kuribole kura karne hi deri hua laga ase koi kena janaise. Kele bhal te kotha mela kurilehi etu mati malik kan kebi ekta bisas dangor thaka huijabo aro eku biya babuna nathaka huijabo koi kena.
Add Comment