Agencies: Sky Sports te jowa habta clock countdown kuriya, transfer deadline clock nishena hi, Bury FC karne nuton malik olai kena etu club ke zinda rakhibole nimede deadline di kena dhakise. Etu clock somoy toh 5 pm British time te hoise aro bekha nai, 1885 te suru howa club, ke English Football League te pora expelled kuri dise. 125 sal membership aro 134 sal bonjise. Greater Manchester laga support te dhakiya club pora tai khan financial wada bura kuribole paribo nahoile league pora red card dekhabole pare koi kena sabha kodha dise.
Bury team league club te pora olai jabole laga janai diya somoy te, EFL pora Bolton Wanderers ke England’s North West te alak club ekta dise, nuton malik ke bekhabole duihabta nahoile enika hi hobo. Etu pora Bolton Premier League club te seven sal aro UEFA Cup 2008 te khiliya manu league club pora bhi rukhi jabole pare.
Add Comment