Dhaka, March 26, 2026: 24 manu mure she aro beshe manu napai kena ase, ekta bus nodi te dube jai piche, Bangladesh te. Bus toh ship ekta te gushea homoi, gere jai she koi she.
Accident toh Rajbari laga southwestern district te hoi she, Dauladia terminal te, bus toh Padma nodi te gere she 5:15 pm te, Wednesday te. Bus toh Dhaka jabole thake she, 40 manu neshe na bukhe thake she koi she, etu te beshe bacha thake she, kun Id chuti piche te wapas jai thake she. Local fire service officals khan laga hesab te, 24 manu murea kena pai she.
22 body toh bus laga betor te para he pai she, etu te 11 toh maiki thake she, choita mota aro pasta toh bacha he thake she. Fire service aro coastguard laga divers khan manu khan etia be besarea ase pani laga betor te. Police khan para koi she ki 11 manu toh bus te para olai kena, swin kure kena bachi bole pare she. Hoile be etia be beshe manu napai kena ase.
Add Comment