HYDERABAD, SEPTEMBER 11 : Tuesday din Telangana laga Jagtiyal District te Bus kerise. Etu time te 40 jun manu kan muraidese. Aro etu kan majutte 6 jun nesena bacha kan ase koise.
Khobor hisabte State laga Road Transport Corporation Bus kari toh 70 jun manu uthai luijai kena berai thakise. Etubi Shanivarapet Bosti laga Ghat Rasta phale. Etu time te thik etu Bus kari kera huise koi kena, Officials kan pora janaise.
Authorities kan pora koa hisabte etu chamala hua toh etu kari jula time te rokhabole nabara huijai kena kera laga hobo. Aro Jatial District Collector A Sharat pora koa hisabte etu chamala toh 11:45 am paji phalli hua laga ase koi kena PTI khobor te janaise.
Etu Bus kari bitorte besi jun manu kan thaka toh sob prathana kuribole jua manu kana se. Tai kan sob Anjaneya Swamy Temple pora Kondagattu Hills te wabas khorai thaka laga ase. Etubi Hyderabad pora 190 km dur jaka te.
CMO khobor hisabte etu chamala te mura kan ke Telangana Caretaker Chief Minister K Chandrasekhar Rao pora ekjun manu mura ke Rs. 5 lakh poisa debole kotha janaise koise.
Add Comment