Business Tycoon Yusuffali MA ke Civilian Award dishe

Dubai: Abu Dhabi laga Raja, Sheikh Mohamed Bin Zayed Al Nahyan para Indian-origin businessman Yusuffali MA aro dosura 11 manuh ke Dhabi’s top civilian award toh tai khan laga bhal kam aro community ke motob kora kam nemite saman korishe. Mr Yusuffali, toh 65 umer aro tai toh Abu Dhabi-based LuLu Group laga Chairman aro Managing Director ase, tai para dosura desh besi te hypermarkets aro retail companies jolai ase. Friday din te Abu Dhabi laga Raja para saman korishe. Sheikh Mohamed para koishe ke, “ami khan laga Founding Father, Sheikh Zayed bin Sultan Al Nahyan nemite UAE te tangor kam kori ase aro tai para manuh nemite kindness, humanity aro morom thikai ahishe. Etu nemite aji, ami khan para 12 manuh logot tai laga kam kora manuh khan logot saman kori ase,”. Etu manuh khan para healthcare field, community service aro volunteering, humanitarian kam, etu oper te  culture, heritage aro environmental preservation nemite kam kori ase, koikena Khaleej Times para khobor toh janaishe. Etu awards toh Abu Dhabi Awards laga 10th edition toh Qasr Al Hosn te thaka samai awards toh thishe. Etu sobse tangor awards toh Mr Yusuffali logot thishe, tai toh Kerala te jokom paishe aro tai para Abu Dhabi’s business, industry aro philanthropic kam te motob korikena ahi ase, koikena LuLu Group para statement te koishe. “aji laga din toh ami laga jevan te sobse kushi din ase. Ami besi kushi ase ke Abu Dhabi laga hath para etu tangor nam paishe, ami etu jaga te 47 saal thaki ahi ase,” tai para saman powa beche janaishe. “ami December 31, 1973 saal te UAE ahishe, notun sopna aro tangor bapana thakishe. Aro ami etu moka toh desh laga leadership khan ke besi kushi janai ase, aro sobse kushi toh Highness Sheikh Mohammed bin Zayed Al Nahyan, Abu Dhabi laga Raja logot ami laga kushi toh janai ase.