Businessman laga murder case deh Assam police para accused ke arrest kurishey

Assam, July 17: Goalpara police para ekta major breakthrough kurishey local businessman Ashok Goel laga case deh, enaga kurina Zahidul Islam ke arrest kurishey, alleged driver Zahidul toh responsible thakishey tai laga killing deh. Goel ke guli marina moraidishey July 14 rati deh, jitya tai toh tai laga bacha logot Kalyanpur-Goalpara road , Sholmari, Goalpara district deh travel kuri thakishey titya. Police laga sources laga hisab para, miscreants laga ekta group para amubush kurina Goel laga opor deh ekta distance para fire kurishey. Assam police para Zahidul Islam ke arrest kurishey, tai toh ekta local businessman Ashok Goel laga murder deh involved thakishey koina jani paishey. Arrest toh Baladmari, Mornai deh hoishey night raid laga doran. Investigators kan para believe kurey ki total charta individuals involved thakishey Goel laga murder deh. Islam toh gang laga driver thakishey koishey aro tai toh itya police custody deh ase, teenta main suspects kan toh  reportedly Assam laga bahar deh chupina ase, possibly in neighbouring Meghalaya. Authorities kan para currently Islam  ke investigate kuri ase Goalpara Sadar police station deh, aro hope kuri ase ki information aro olop bishi pabo koina alag suspects kan laga aro taikan laga motive bi janibo pariwo koina hope kuri ase attack karney. Police kan para taikan laga efforts continue kuri ase locate kurina remaining suspects ke apprehend kuriwoley.