New Delhi, 13 June : Badminton World Federation (BWF) laga officials khan recently New Delhi laga Indira Gandhi Stadium visit korise, juntu Gymnastics Centre te inspection koribole aahise – itu jaga upcoming BWF India Open 2026 aru BWF World Championships 2026 laga proposed venue hobo.
BWF delegation te Selvaamresh Supramaniam, Koh Wa Cheng, Venugopal A. Mahalingam, Jessy Sung aru John Adamson include thakise, juntu logot Badminton Association of India (BAI) para Honorary General Secretary Sanjay Mishra, Girish Natu, Gautam Mahanta aru Manoj Kumar Singh represent korise.
BAI Wednesday din release te koise ki etu visit India laga badminton scene te dangor role dikhai ase – desh etia 30th edition laga mega event organize koribole prepare korise. Inspection mainly infrastructure, venue laga preparedness aru logistical planning te focus korise, early-stage preparation hisab te.
Etu hobo dusra bar India BWF World Championships host koribo – prothom bar 2009 te Hyderabad te host kora thakise.
BWF World Championships first shuru hoise 1977 te Malmö, Sweden te. Initially biennial event thakise (duita saal te ekbar), kintu 2004 pora annual banai dise except Olympic saal khan. 2025 edition Paris, France te hobo, aru 2026 edition India te host kora hobo. Last bar 28th edition 2023 te Copenhagen, Denmark te korishey.
India Open to BWF Super 750-level laga ekta international badminton tournament ase, aru etu India laga premier event hobo – usually KD Jadhav Hall, Indira Gandhi Sports Complex te organize koribo.
India Open laga prothom edition 1973 te hoise, kintu 1997 te discontinue kori dise. Itu pichete 2008 te etu re-launch kora hoise aru international badminton Grand Prix laga Gold level te include korishey. 2022 te etu Super 750 status pai, juntu karone etu India laga sabse dangor badminton tournament banishey.
Add Comment