Basel: BWF World Championship final te teen bar kamiyab howa biche te, PV Sindhu pora koise tai result ke khushi pai ase. Hoile bhi tai aro match khilibole bachi kena ase aro tai etu karne dyar kuri ase.
Rio silver medallist pora World No. 3 Chen Yufei ke (21-7, 21-14) pora harai diya laga Match biche te IANS ke kodha kuriya somoy te, Sindhu poa koise: “Hoi moi khushi pai ase hoile bhi etya bhi final bachi kena ase. Etu game toh ektam phal dhakise aro Moi suru pora ektam phal pora lead loi kena khotam howa tak phal pora hi khilise. Moi jani ase ki eman aram toh nahobo etu karne moi wapas jai kena dyar kuribo lake.”
Sindhu pora olap ake quarter-finals te Taiwanese shuttler Tai Tzu Ying logot te khilise aro etu ke comment kuri kena, tai pora koise: “Alak alak player khan nimede alak alak phabna dhakibo lake kintoh player laga pas nijor nijor laga khiliya styl aro mindset ase. Yu Fei bhi bishi phal khiliya manu ase aro tai logot khiloibole karne bhi alak alak mindset aro prepration lake.”
Jowa somoy te, sport toh Chinese shuttlers pora dhuri dhakise, hoile bhi, Sindhu pora tai khan laga kahani toh bhangai dise kintoh tai pora bishi bar tai khan ke harai di kena ase. Etu laga kodha hudiya somoy te, Sindhu pora koise: “Moi tai khan ke harai diya toh ektam khushi pai ase. Hoile bhi moi pora kowa nishena, sob player laga pass nijor nijor laga khiliya style ase aro Chinese shuttlers logot te khilibole karne toh kon hoile bhi ektam phal pora dyar kuribole lake. Yu Fei bhi tai khan laga majo te ekta ase hoile bhi tournament bishi bhag te moijun toh bishi bar khili dhake etu pora moijun toh ekjun ekjun ke phal pora jane.”
Sindhu etya final te, second women’s singles semi-final laga match former champions Ratchanok Intanon aro Nozomi Okuhara duijun majo te kon chitibo etu chitiya logot khilibo aro final khilibole laga kodha te, 24 umapr pora koise: “Duijun bhi harai dibole toh ektam dan ase hoile bhi moi omit ase aro ektam phal khilibole karne moi bhi pdyar kuribo. Etu eman aram hobole toh nai moi jane.”
Add Comment