Basel: Sunday din te PV Sindhu First Indian maiki hoishe badminton World Championships gold jita toh rival Nozomi Okuhara Japan ke Sunday laga final te haraidikena .Etu final toh India maiki para 38 minutes toh 21-7 ,21-7 para jitishe.
Dui sal akhe te Glasgow laga epic 110 minute final te Okuhara para tai ke gold medal nimete haraidishe.Etu bar Sindhu etu haraa toh hataidikena etu eki opponent ke haraidishe.
Etu toh Sindhu laga fifth World Championships medal ase .Etu bi bishi wala singles player para jita te saamil hoishe etu te porana Olympics aro world champion Zhang Ning China duita successive silver aro bronze medal jitikena ase .
Sindhu para Olympic silver 2016 Rio Games, silver Gold Coast Commonwealth Games, Asian Games silver Jakarta aro BWF World Tour Finals juwa sal te jitishe.
Add Comment