Kazan: Monday, BWF World Junior Mixed Team Championships laga Group E opening te Shuttlers Meiraba Luwang aro Tanisha Crasto pora India khan karne ektam aram pora 4-1 te USA ke harai dise.
Goa maiki Crasto toh India majo te sobse phal dhakise, tai pora girls’ doubles aro mixed doubles matches bhi chitise.
Chattisgarh laga Ishaan Bhatnagar logot te khili kena, duijun pora USA laga Jacob Zhang aro Jessica Wang ke 22-20 21-9 pora harai di kena India khan karne pohila point loi dise.
India laga junior boys’ singles shuttler, Luwang pora next court khilise. Junior world no. 10 pora 520th ranked Alexander Zheng ke aram pora 21-9 21-11 te harai di kena 26 minutes lapa match chitise.
Luwang toh etu sal pora hi ocha koi dhakise, tai pora Russian Junior White Nights te chitise, aro India Junior International te runner-up paise.
Etu habta olap ake te Dubai Junior International Series chitiya biche te, Gujarat maiki Tasnim Mir pora junior world no. 75 Natalie Chi ke 21-19 25-23 pora harai di kena India ke 3-0 lead kuri dise.
India, khan hoile bhi fourth rubber harise, boys’ doubles duijun Manjit Singh Khwairakpam aro Iman Sonowal duijun 23-25 19-21 pora William Yu aro Joshua Yuan logot harise.
India aro USA pora alak khan toh, Group E team toh Australia, Armenia aro Japan kha ase.
2018 laga tournament te India khan Quarter finala te South Korea logot harise.
Add Comment