Hangzhou, 20 December : Badminton te, India laga star Men’s Doubles pair Satwiksairaj Rankireddy aru Chirag Shetty aji China laga Liang Wei Keng aru Wang Chang laga logote season-ending BWF World Tour Finals laga semi-finals te khelibo. Match Hangzhou te hobo.
Third seed ase Satwik aru Chirag, aru kali ratite taikhan Group B top kori kene tournament laga semi-finals paucha prothom Indian Men’s Doubles pair bonaise. Indian duo taikhan laga final group match te world number two Malaysia laga pair Aaron Chia aru Soh Wooi Yik ke 17-21, 21-18, 21-15 score te harai kene top four te jagah confirm korise.
Year-end finale te India laga presence besi regular nohoile bhi important thakise. PV Sindhu he ekmatro Indian ase jiman 2018 te women’s singles title jitise, aru Saina Nehwal 2011 te final pauchise. Doubles te, Jwala Gutta aru V. Diju 2009 Super Series Finals te mixed doubles finalists ase.
Liang Wei Keng aru Wang Chang bhi Group B pora arokta pair ase jiman final group match jitibo pichete semi-finals te qualify korise.
Add Comment