Hangzhou, 13 December : Indian women laga doubles pair Treesa Jolly aru Gayatri Gopichand Thursday din BWF World Tour Finals laga second Group A clash te Malaysia laga Pearly Tan aru Thinaah Muralitharan ke 21-19, 21-19 harai dise.
Indian duo sirf 46 minutes te Malaysians ke haraise aru semifinals te jabole laga hope alive rakhi dise. Treesa aru Gayatri itu tournament te qualify kora ekla Indian pair ase.
Match shuru te Treesa aru Gayatri ekta aggressive strategy loi 6-2 lead loi shuru korise. Malaysia laga team retaliate korikina game neck-and-neck contest banai dise, kintu Indian pair crucial moments te calm rakhi first game jeet pailo.
Dusra game te bhi first game jaisa intensity thaikise. First five points balanced thakile piche Malaysians slight lead loi dise. Game closely fought thaikise 19-all tak, kintu Treesa aru Gayatri nijor nerves hold korikina last doita point jiti match aru victory confirm korise.
Indian pair ke Wednesday din laga opening match te ekta setback paishe, jun te World No.1 aru Paris Olympics silver medallists Liu Sheng Shu aru Tan Ning (China) ke 20-22, 22-20, 21-14 haribo na parise.
Indian duo group te Chinese pair piche second position te ase. Friday din Japanese duo Nami Matsuyama aru Chiharu Shida ke harai loile semis te confirm koribo.
Add Comment