Agartala, Dec 10:Tripura laga chamela Tuesday din te chamela etu te pro aro anti-CAB protestors khan raasta te jaikena violence aro vandalism kuri ase.
Monday para hi state te alag alag chamela biya hoishe aji phujur para etu protests toh biya hoishe .
Tripura aro dusra northeastern state logote milikena Citizenship Amendment Bill, 2019 kuntu toh Lok Sabha te pass kurishe midnight te etu bi Monday din te saat ghonta kotha kura pichede .
Latest reports hisaab te Kanchanpur te chamela toh aro bi biya hoishe etu te pro-CAB supporters khan para julaidikena ruling ally Indigenous People Front of Tripura (IPFT), laga offices julaidikena phangaidishe aro Ananda Bazaar laga alag alag dukaan biya kuridishe aro etu area te chamela anidishe.
Eman diri nohoa akhe te etu area te communal clashes hoishe etu bi anti-CAB supporters khan hamlaa kura te jawab dikena.
Aro bi khobor hisaab te Kanchanpur agitation laga jaka te thakaishe kuntu te ration khan rukhaidishe government of India para Bru manu khan nimete .
Phujur para hi state laga alag alag districts khan dikdaar pai thakishe Lok Sabha te CAB pass huwa pichede.
Tripura laga protests te communal turn hoishe etu te thousands nishena manu khan maar khaikena hamlaa hoishe.
Etia state police khan para security khan tight kurishe.
Add Comment