Los Angels, 08 November: Wednesday rati Southern California bar jaga deh hamla howah karni 13 manu moraidese koikena Ventura County sheriff Geoff Dean pora janaise. Sheriff’s office pora California bar aro dance hall jaga deh ekjun manu pora hamla kora karni besi manu moraidese koise. Etu hatsa toh Thousand Oaks laga town Borderline Bar aro Grill jaga howah laga ase. Ventura County Sheriff’s Office Sgt Eric Buchow pora CBS association logode kowah toh, hamla howah time be besi manu jokhom powah aro mora thakise. Etu time deh hamla kora manu be morise koise. Khobor powah sat-sat police khan toh hamla howah jaga deh dara-dari jaa thakise aro hamla kora manu ke shaa thakise. 13 jun mora majode deputy sheriff be meli-kena ase. The Los Angeles Times pora hamla howah time deh nai-nai koilebe 30 goli marise koise. Naam najana witness pora newspaper deh kowah toh, 11:30 pm time deh kumbah manu bar deh pola thakise aro hamla kora bondukha toh kala pistol nesana dekhise koise.
California bar deh hamla pora 13 jun moraidese
Add Comment