California de 10-jun morise

California, 3 September: Police pora janaideya hesab de, Sunday rati San Bernardino, California jaga de shot pora 10-jun morise koise. Etu 10-jun majode bacha be mora de meli-kena ase aro tin-jun toh ektum beya halat de ase koise.  San Bernadino spokesman Capt. Richard Lawhead pora janaideya hesab de, tai khan ke 10:45 pm phalli shot hoise koi-kena call aihese koise. Etu hatsa howah jaga 10-jun mori kena paise koise. Ato tin-jun toh ektum beya halat de ase koise. Los Angeles pora 60 miles (96 km) dur east city jaga de shooting hoise. Police pora janideya hesab de, apartment complex de manu khan game kheli pahar de area de jama howah thakise koise. Lawhead pora janaideya hesab de, Monday din detectives khan toh hatsa hobo nesana dekha nai koise. Etu hatsa howah jaga de hatyar khan eku powah nai koise. Etu agae 26 August Jacksonville, Florida jaga de video game tournament loi-thaga de hamla howah thakise. Tatu 9-jun ke shot kora thakise aro two competitors ke moraideya thakise.