California deh katharnaak joi ola pora nine jun moraidese

Agencies, 10 November: Friday din California jaga deh katharnaak joi ola thakise. Etu pora etu jaga laga mountain town deh nine jun moraidese. Etu pora Malibu jaga deh hatijabole janaideya thakise.  California Department of Forestry aro Fire protection data  hesab deh, Nine jun manu be Northern California laga Paradise town deh morikena powah ase. Camp Fire pora 6,700 khor aro business pora be besi jolaidese. Etu pora state history deh sobse kathara wala hatsa hoise. Friday saam press conference time deh Butte County Sheriff Kory Honea pora etu toh sobse beya wala situation ase koise. Etu hatsa toh he ami khan lamba din phoi khaai thaga ase koise.  Pasta mora manu toh cars jola osor jaga deh paise, tinta toh residences laga pahar deh paise aro ekta toh khor deh paise koikena Honea pora janaise. Tusara 35 jun toh haraise koikena khobor paise aro tinta firefighters toh jokhom paise. Paradise jaga deh joi toh ektum joldi ola thakise. Etu pora manu khan car chari kena live bachabo karni pola thakise. Gari khan ke joi lagi kena thaga majode ekta school bus debe laga thakise. Honea pora Paradise jaga deh 260 commercial buildings be melikena total 6,453 khor jolise koise.