Canada laga minister of foreign affairs, Melanie Joly para Saturday din te Liberal Party of Canada laga leadership position para tailaga naam olaidisey. Aro etu laga karon tu international jhamila bari thaka laga mamla te sabole lagia, khas kurikina economic aro US te President elect huwa Donal Trump para tariff(ekta desh para dusra desh te ana saman aro service khan te tax luwa) laga dhomki diya tu.
Joly para X(Twitter) te post kora ekta letter te enaka likhisey, “Jaija hapta khan te, ami para bisi friends, colleagues(ekey logotey kaam kora manu) aro close advisors(salah diya manu) khan logotey kotha kurisey. Aro bisi-jun para amikey etu Liberal Party of Canada laga leadership nimitey khedabole encourage kurisey. Hoi, ami janiasey ki ami tu Liberal Party of Canada ke lead kora first maiki hobole tayar asey. Hoilebi ami para etu bi janibo lagey ki etya laga international situation, khas kurikina United States laga President-elect hoikina thaka Donald Trump para misa misi tax laga dhomki aro dusra economic pressure di thaka te ekta majboot aro urgent response dibole asey. Etu etya hoi asey.”
Tai para agey barikina enaka likhisey, “Foreign affairs laga minister ekta hoikina, ami para amilaga time laga ekta-ekta minute aro amilaga sob energy tu Canadanian khan ke defend kuribole dedicate kuribo lagey. Aro etya ami exactly etu kuri asey aro aha homoitey kuribo.”
Melanie Joly laga etu decision tu Canada Prime Minister James Trudeau para Monday din te tailaga jaga lobole para leader choose huwa picheyte tai Liberal Party leader aro Prime Minister laga position para hatijabole laga faisla announce kora picheyte ahisey.
Prime Minister James Trudeau para March 24 taak Canadian Parliament suspend kuridibole laga announcement bi kurisey.
Add Comment