Canada, 8 July : Canada dey jaa saal ekta airport para 6,500 gold bars chori hua toh overseas dey thakibo parey, police para
kuishey. Itu gold, serialised bars laga form dey, 20 million Canadian dollars daam, jaa April Toronto dey Pearson International Airport para chori huishey.
Itu ke desh laga history dey sobse dangor gold heist kuina consider kurey. Itu Peel Regional Police bisas asey ki itu gold toh Middle East nahuiley South Asia region dey julti smuggle kurishey.
“Muikhan bisas asey ki itu laga dangor portion toh overseas laga markets dey jaishey,” lead investigator Det. Sgt. Mike Mavity para Peel Police Service Board laga members ke ekta meeting dey June 21 dey kuishey, CBC News hisab dey.
Itu official agey dey acknowledge kurishey ki itu gold bars toh heist homoi millions laga daam thakishey.
Agey dey, officials para kuishey ki itu case laga connection dey nine jun manu ke arrest kurina asey. Itu shaaks maju dey ekta jewellery store owner, ekta former Air Canada manager aro ekta warehouse employee mikaina asey.
Fox News hisab dey, itu shaaks para seafood pick-up karney ekta completed bill chulaishey kuntu paperwork ke forge kuriboley chulaishey, kuntu agey dey ekta warehouse attendant ke dishey. Iti heist para khali CA dollar 90,000 recover kurishey.
Add Comment