January 31, 2024: Canada laka Newfoundland deh taka Cape Ray beach deh ekta dangor shipwreck ahi shae. Etu diki jah tho officials kan para investigate kura shuru hui shae. Ship tho Hurricane Fiona para dislodge kuri shae kui nah biswas ase aro 19th century deh banai shae kui nah predict kuri ase, BCC para report kuri shae.
Shipwreck Perseveration Society of Newfoundland Labrador laka President, Neil Burgess etu shipwreck laka mamla deh interest laki jai shae aro etu laka kotha kuir shae.
“Etu tho dangor event ekta ase. Oak, beech nahoi leh ekta heardwork species taki leh tho, ship, Newfoundland deh bana nahoi kui nah jani jabo aro Europe laka jaka kunbah deh banai shae pareh. Shipwreck laka database kan ase kuteh mukan bisari bole pari bo Cape Ray osor deh ki hari shae kui nah,” Burgess para kui shae.
Provincial archaeologist Jamie Brake para visitors kan keh wrecked vessel para saman kan lubo leh koshish nakuri b kui nah request kuri shae.
“Etu nishi nah para ekba ekta hiki bole chances kan bishi ase bhal condition deh taki leh tho,” Brake para kui shae. Alak side deh ekta YoutTube user kun laka nam “Corey Purchase NiCor Photos” ase, tai para shipwreck laka ekta drone shot upload kuri shae kuto para manu kan laka attention tani lui shae. Manu kan para stu shipwreck tho assesses aro preserve kuri b kui nad demand kuri ase.
Add Comment