May 1, 2024: Canada laka Conservation Party Leader Pierre Poilievre, kun aha national elections tho jiti bole expected ase, taike House of Commons para eject kuri shae, Prime Minister Justin Trudeau keh ekta “wacko” ase kui nah mata karne.
Daily question period tho ekta time kuto para opposition parties keh opportunity deh government keh scrutinize kuri bole. Aro enaka time deh ekta headed exchange hua piche deh, Canada Parliament laka speaker para Poilievre keh bahar jabole instruct kuri shae.
First deh, Justin Trudeau para Pierre Poilievre keh accuse kuri shae, tai tho ekta camp kuteh “white nationalist group” kan taki shae, etu visit kura karne. Justin para tai etu kura tho spineless leadership dikai kui shae. Speaker Grag Fergus intervene kuri shae aro Trudeau keh taila statement tho rephrase kuri b kui shae, chamber laka rules lokot compliance ensure kuri bo karne.
Poilievre para jawab deh Trudeau laka politics tho “extremist” ase kui shae. Tai para Trudeau keh criticize kuri shae drug overdose address kuri bole mana kura karne.
“Mukan etu wacko prime minister para kura wako policy keh kitia kotom kuri di bo?” Poilievre para Parliament laka lower chamber deh kui shae. Fergus, ekta Liberal, para Poilievre laka comment tho unparliamentary aro unacceptable ase kui shae aro taike char bar kui shae retract kuri b kui nah. Poilievre mana kuri shae aro tai para term tho “extremist” nahoileh “radical” lokot deh substitute heh kura bhal ase kui shae. Fergus para Poilievre keh tai tho speaker laka authority keh ignore kuri ase kui shae.
Tai para etu kui shae,” Mui tuike order kuri ase, House para withdraw kuri bole… etu day laka sitting nahua tak.”
Add Comment