Vancouver, 19 June : Tajon Buchanan duita second-half goal maarise aru Canada Tuesday din Vancouver te Honduras ke 6-0 te harai dise, CONCACAF Gold Cup laga opener match te.
Canada laga taraf pora Niko Sigur aru Tani Oluwaseyi first-half te duita goal disey, aru itu piche te Promise Akinpelu aru Nathan Saliba scoring complete koridise.
Itu result te Canada Group B laga top te ahise, karon duita group laga onno team — Curacao aru El Salvador — Tuesday din San Jose te khela match draw hoise, kunubhi goal painai.
Sigur laga desh laga taraf pora first goal hoise 27th minute te. 21 saal laga Sigur Jonathan David logot 1-2 pass exchange kori Honduras laga 18-yard box bitorte ghusi jai right-footed shot te goal disey.
Oluwaseyi Richie Laryea pora pass loi 6-yard pora ekta dangor left-footed shot maarise Honduras goalkeeper Edrick Menjivar upar pora, aru first-half stoppage time te lead double koridise.
Buchanan 48th aru 65th minute te goal disey, Akinpelu 75th minute te aru Saliba 90th minute te goal kori match pura one-sided banai disey.
Canada aahibola Saturday din Houston te Curacao logot khelibo, aru taike din Honduras aru El Salvador laga match bhi same jagate hobo.
Add Comment