Canada, US Border January 21 dak bondh

December 12, 2020. Duniyaa te sobse lamba ineternational border Canada aro United Stated pithor te thaka toh Covid-19 bemar nemite January 21 darik dak bondh thakaibo, koikena Thursday din Prime Minister Justin Trudeau para junai thishe. “”Canada aro United States para fesla loikena border share kori thaka toh January 21 darik dak bondh koribo,” Trudeau para news conference samai koishe. March moina te border toh coronavirus bemari spread nekoribo nemite first bondh korikena thakishe. Etu beche hotai moina bondh kora toh renewed korishe. Kali saman aro kam thaka khan peraboli koishe. Canada te Covid-19 bemari second wave ase, Friday din te sob melaikena 450,000 oper bemari cases paishe, etu nemite jaga besi te hoshari kam aro loboli olaishe. Duniyaa pithor te United States toh sobse beya bemari para laki-kena ase, United States te sob melaikena15.7 million bemari cases ase aro 300,000 oper manuh morikena ase koishe. United States aro Mexico laga border be etu eke darik te bondh thakibo, koikena Department of Homeland Security laga acting head, Chad Wolf para Twitter te junai thishe. “COVID bemari spread hoi thaka toh rokabo nemite, United States, Mixico aro Canada para January 21 darik dak manuh peraboli bondh koribo. Ami khan Mexico & Canada logot essential trade toh kula thakibo aro virus nemite manuh khan ke pachiakena rakibo”, tai para aro koishe.