Bengaluru: Canadian city Burnaby para September 5 darik toh Gauri Lankesh Day” maniboli junaishe, etu din te mori jowa journalist laga anniversary thakibo, koikena tai laga sister Kavitha Lankesh para Thursday te janaishe. Etu fesla toh Mayor of Burnaby Mike Hurley laga office para janaishe aro tai para koishe ke, Gauri Lankesh toh Indian journalist mon tangor hoikena truth aro justice, challenged superstition aro social ills te kara kora manuh thakishe aro tai laga jevan toh kurep manuh aro nathaka manuh nemite motob kori thakishe. Hurley para koishe ke, Gauri para tai laga jevan toh 2017 saal te repression kelaaf te aro human rights nemite jaan thishe, etu nemite Canadians of Indian heritage para hotai saal September 5 darik toh tai ke yaat kora din hobo janaishe. Tai para aro janaish ke, City of Burnaby te community para celebrates korikena Indo-Canadians city te social, economic aro cultural development aniboli koishe. “itya etu nemite, ami Mike Hurley, Mayor of Burnaby para September 5th darik toh City of Burnaby te”Gauri Lankesh Day” manibo,” koikena juanaishe. Ms Kavita para koishe, “ami tai nemite besi kushi ase, duniyaa toh beya nahoi, hosa nemite beswas ase, power aro freedom of press ase. Ms Gauri’s brother Indrajeet Lankesh para be kushi poea janaishe. “besi bhal ase aro ami family nemite be kushi din thobo,” koikena Mr Indrajeet para aro koishe. Gauri Lankesh toh left-leaning journalist thakishe aro tai para magazine ekta “Gauri Lankesh Patrike” koikena lekishe, tai ke September 5, 2017 saal te tui(2) jun manuh para tai laga ghor bahar Bengaluru te anti-Hindutva te kara kora nemite morai-thishe.
Add Comment