Hong Kong, 3 November : Victoria Mboko laga career te dusra WTA title jitise kitia 19 saal laga itu player Sunday te Hong Kong Open laga final te experience zyada thaka Cristina Bucsa ke harai disey.
Mboko Spain laga player ke 7-5, 6-7 (9/11), 6-2 te Victoria Park te harai kene itu Hong Kong crown ke August mahina te Canada te jiti thaka Canadian Open laga title te add korise.
Mboko, juntu world ranking te laga career-high 21 te ase, Saturday laga semifinal te 2021 US Open runner-up aru fellow Canadian Leylah Fernandez ke teen set te harai disey.
27 saal laga Bucsa (ranked 68) laga biruddh te Mboko laga strong serve aru powerful ground strokes te opponent pura thak jaise, aru match praye 3 ghonta tak cholise.
Same Sunday China te, Russia laga Anna Blinkova bhi Jiangxi Open jitise, Austria laga Lilli Tagger ke 6-3, 6-3 te harai kene.
Add Comment