February 11, 2024: Britain laka King Charles cancer lokot diagnose hui piche deh taila first statement banai shae. Etu statement deh tai taila well-wishers kan keh gratitude dikai shae. “Recent days kan deh support aro well wishes kan bishi pai shae mui aro ami muila sobse heartful thanks kubo leh mun jai,” King Charles para ekta statement deh kui shae.
Monday din deh, Buckingham Palace para King Charles, 75, ekta form laka cancer lokot diagnose hui nah ase kui shae. Taikan para tai kun bah engagements kan postpone kuri bo kui shae treatment jabo karne.
“Manu kan kun cancer para affect hui shae, taikan jani bo, enaka message kan pah tho sobse dangor encouragement aro comfort ase makan karne,” King Charles para kui shae.
King para taila diagnose karne tai cancer support kura organization kan keh thik para jani bole motot kuri shae kui shae. Charles laka kobor tho January mohina deh tai ekta benign enlarges prostate karne corrective procedure undergo kura piche deh ahi shae.
Buckingham Palace para taila condition kinaka ase, etu deh kobor kan itia tak eku dia nai. Taikan para khali prostate cancer nahoi heh kui shae, aro King Charles tho positive he taki ase kui nah janai di shae.
Add Comment