Cancer Puribole, BBCI, Arunachal Para MoU Sign Kurishe

Guwahati, November 3, 2024: MoU toh sign kurishe Dr. B. Borooah Cancer Institute (BBCI aru State Cancer Society Of Arunachal Pradesh laga majo te. Etu toh taikhan State te bishi cancer ula nimete, etu karne puribole toh tarika loishe. Aru etea Research purea toh suru hobole nishina ase koishe, etea official formalities aru ethical clearances khan sob hoa pichete, Yete Ziro Valley of Lower Subansiri District te para suru kuribo koishe. Aru Friday din te Health and Family Welfare Minister Biyuram Wahge para etu Institute te ahishe koishe. Etu ahea laga toh nutun technical aru management systems khan janibole nimete ase koishe. Yete diagnostic services aru patient care, Institute laga bitor te. Tai ahea homoi te. Minister para emergency ward toh inaugurate kurishe Northeast laga manu khan nimete. Etu toh Cancer nimete emergency tarika loishe. BBCI toh sobse pura Cancer Institute ase koishe Northeast te, Etu toh 1973 te khulishe koishe, Cancer patients khan ke sai koishe Region te, aru Oncology laga alak alak branches khan te training dea koishe. Etea  etu Institute toh Department Of Atomic Energy laga bitor te ase koishe, Government of India, Tata Memorial Centre laga unit, Mumbai. Taikhan ahibole laga State Cancer Institute karne technical partner ase koishe.