Sports

Candidates Chess 2024: D Gukesh toh Ian Nepomniachtchi logot draw huishey

April 17, 2024
3 Views

Toronto, 16 April : Indian Grandmaster D Gukesh para Russian Ian Nepomniachtchi logot joint top spot dhurina rakhishey kitia taijun Candidates chess tournament laga 10th round dey ekta aasan draw khilishey Toronto dey.

R Praggnanandhaa aro Vidit Gujrathi maju dey itu all-Indian duel bhi ekta draw dey khotom huishey kitia Fabiano Caruana aro Hikaru Nakamura para Firouza Alireza aro Nijat Abasov ke haraina itu tuita leaders laga striking distance maju dey ahishey. 

Itu saal laga sobse dangor event ahiwoley khali four rounds pachina, Gukesh aro Nepomniachtchi toh identical six points asey kitia Praggnanandhaa, Caruana aro Nakamura toh aatha point picha thakina taikhan laga heels dey asey.

Gujrathi, six points dey, khalk sixth asey kitia sob practical purposes karney, Alireza aro Abasov toh 3.5 aro tuita points logot race laga bahar ulaishey.

Nepomniachtchi para itu event dey eman risk luanai, colour logot aro tai laga solid play para taike khali khiladi panai dishey kun 10 rounds dey unbeaten asey.

Praggnanandhaa bhi second round dey Gukesh laga khilaf khali ekta haar huina bishi solid thakishey. Itu 18-saal para Berlin defense para samna kurishey Gujrathi para kun aasani para kala equalise kurishey.

Mahila laga section dey, China laga Tinjie Lei para Russia laga Aleksandra Goryachkina laga unbeaten run ke girai dishey aro compatriot Zhongyi Tan logot joint lead luishey kun Koneru Humpy logot ekta draw luiahey.

R Vaishali toh Bulgaria laga Nurgyul Salimov logot ekta roller-coaster khel khilina kunwa haar piche dey wapis ahishey kitia Russian Kateryna Lagno toh Ukraine laga Anna Muzychuk logot draw kurishey.

Tuesday toh rest din asey aro itu ladai toh Wednesday dey wapis shuru huwo.

Results round 10

Mota : Ian Nepomniachthi (6) toh D Gukesh (6) logot draw huishey; R Praggnanandhaa (5.5) toj Vidit Gujrathi (5) logot draw huishey; Hikaru Nakamura (USA, 5.5) para Nijat Abasov (Aze, 3) ke haraishey; Fabiano Caruana (USA, 5.5) para Firouza Alireza (Fra, 3.5) ke haraishey.

Mahila : Nurgyuaal Salimova (Bul, 4) toh R Vaishali (3.5) khilaf harishey; Zhongyi Tan (6.5) toh Koneru Humpy (4.5) logot draw huishey; Aleksandra Goryachkina (Rus, 5.5) toh Tingjei Lei (Chn, 6.5) khilaf haraishey; Kateryna Lagno (Fid, 5.5) toh Anna Muzychuk (Ukr, 4) logot draw huishey.