November 15, 2024: Cardi tho record keh sita kuri di ase. Conservative commentator Candace Owens para rapper tho ekta Kamala Harris rally deh aha karne poisa pai shae nah nai hudi shae. American rapper, kun etu election cycle deh ekta democratic supporter taki shae, tai para eku payment kan taka nai kui shae, hoile b manu kan tho etu keh biswas nakureh. Oprah Winfrey para agae deh b enaka claims kan debunk kuri shae.
Etu election deh bishi wak Hollywood elite kan Kamala Harris laka pichae deh taki shae, taike America laka first maike president bana bole, hoile b etu kohishs tho Trump keh hara bole para nai. Itia celebrities kan bishi keh accuse kuri nah ase, Harris laka campaign para taikan keh poisa di shae kui nah, rally kan deh ahi bo karne. Tateh Cardi B b ekta ase.
“Hey @imcardib- Mui ekta kahani deh kam kuri ase aro mui etu papna kuri taki shae, apni Kamala Harris campaign event deh kotha kuri bo karne poisa di shae nah nai kui nah,” Owens para X deh liki shae.
“Mui keh ekta b poisa dia nai aro etu tho muila teentha bacha laka nam deh kuia se,” rapper para jawab di shae. Tai para travel laka expense kan b tai nijor laka pocket para he ahi shae kui shae,
Add Comment