Career Counselling

Chutu thaka homoitey amikhan sob para poisa kamaikina nijor ke palibole nimitey ki kuribole asey etu question face kurisey. Utu homoitey ekta common jawab tu engineer nohoile doctor thakisey. Teacher, journalist, professor khan ke tu ekta bhal career choice nisna  bi sai thakanai. Hoilebi ajikali situation tu alag hoijaisey. Ajikali eman bisi career choice asey. Engineering para loikina business management tak. Medicine para loikina mass communication tak. Aro career laga choice eman bisi thaka nimitey amikhan laga student tu kuntu career khedabo lagey etu confuse hoikina asey. Bisi student tu taikhan laga sathi para chuniya nimitey  nohoilebi taikhan laga ama baba para taikhan ke enaka kuribole kuwa nimitey suku bon kurikina ekta career te berai. Career choice laga number barija para ama-baba khan ke bi taikhan laga baccha laga interest nohoilebi khubi logotey ekdam mila laga study field nohoilebi course chuniya homoitey confuse khaijai. Taikhan tu baccha khan laga kabiliyat, interest aro personality logotey bi nimila laga course te poisa felai. Career opportunity barija logotey, counseling laga ahemiyat bisi barijaisey. Etya youth khan ke nijor ke palibole nimitey poisa kamabole laga rasta olabole nimitey career chunibole karney taikhan ke guide kuribole  bisi jaruri hoisey. National Education Policy (NEP) 2020, kuntu ke Education expert khan para sob background, jaat, dimagi halat, gender laga baccha khan ke ekey education(pora likha laga) opportunity dibole nimitey 21^st century laga ekta education training strategy asey koikina koi asey, etu NEP para India te pora likha thaka manu laga rate 100% banabole aim kuri asey. Aro etu te ekta professional career counselor tu thik manu ke thik jaga te dikha laga chabi dhurikina asey, ekta career choose kora laga bari te ahisey koiley. Etya amikhan khas kurikina amikhan  nijor rajya laga context te career counseling laga concept laga bari te kotha kuribo. Amikhan career counseling ke profession banabole nimitey kiba kisim laga kosis kora dikhi asey. Hoilebi sytem te bisi dangor gap(kiba ekta nupungchikina) asey kotey bisi bhak student khan janikina aro najanikina etu laga scope para dur thaki asey. Amikhan laga bisi bhak student nohoilebi youth khan tu career counseling laga bari te eku  najaney.  Taikhan tu ekta career chunibole nimitey nijor laga monk e huney nohoilebi taikhan laga ama baba laga iccha hisap te jai kuntu para taikhan laga career development te badha anidiye. Asol te, career development tu interest, kabiliyat, value, personality, background aro mohol hisap te baney. Amikhan tu enaka jaga te buhi asey kotey homoi homoitey political(rajneetik) aro socio-economic(jaiseki naukri napa aro income komti pa)  jhamila olai thaka laga etihas asey. Amikhan para jaija homoi ke saisey koiley amikhan laga youth laga past(jaija homoi) tu morom  kha laga, present tu umeed nathaka laga aro future tu akha nathaka laga dikhi asey. Sarkar para amikhan laga youth laga journey ke  ekta shanti aro kamyabi thaka laga banabole kosis kora laga bawajut bi enaka asey. Toh enaka halat te, eku career development programme suru kuribole ageyte youth khan ke bujibole jaruri asey.  Aro enaka halat nimitey professional career counselor laga jarurat asey taki taikhan para student khan ke khali taikhan ke etya dorkar thaka laga faisla hey nohoikina taikhan laga career aro jibon laga faisla te future nimitey tayar kuribole karney gyan aro skills dibole nimitey bi. Jitya manu khan taikhan laga career te khusi thakey pura society laga bhalayi hoi. Career counseling para amikhan laga economy ke bi faida pungchai. Kun manu khan taikhan laga job ke loikina khusi thakey taikhan tu unemployed huwa laga chance komti thakey.