Carlos Alcaraz kusa uthise cameras opor daila privacy breach kura karone US Open training te

US, 24 August 2025 : Carlos Alcaraz, World No. 2, tu spotlight te ahi she US Open bhi suru na hoa age te he attention loi ase etu karone ekta viral video te dekha thaki she etu tai practice time tai tu bishi gussa hoi thaka tu. Flushing Meadows te USTA Billie Jean King National Tennis Centre te train kuri thaka time te, Alcaraz ke camera khan para disturb kuri kena, aru privacy na thaka karone tai finger dikhai dise camera khan ke aru tai laga team logo te bhi bishi khushi na hoi kena thaka janai dise. US Open kura tu khali ekata Grand Slam ase tu ena jaka te player khan ke practice court te privacy problem khan bishi face kuri. Alcaraz laga first match Tuesday din te Arthur Ashe Stadium te hobo, opponent hobo American Reilly Opelka, world rank No. 66. Press conference te, Alcaraz koi she ke Opelka laga serve tu bishi dangor thakibo etu karone first time face kura tu bishi hard hobo. Tai koise thaki she ke tai laga focus tu return te ase aru, rhythm pabo karone aru backline para point jiti bole try kuri bo. Tai para koi thaki she ke tai confident ase, aru tai  court te  bhi bhal feel kuri thaki she  aru fully ready ase US Open karone. 22 years laga Spaniard player tu etiya bishi bhal form te ase — season te ATP Tour leading 54 win aru 6 title jiti kena, include kuri  thaki she Grand Slam French Open te. Recent te bhi, tai Cincinnati Open jiti jai kena, final te Jannik Sinner ke retire kuri para first set te. Tai koi thaki she ke last year laga US Open aru  etiya laga tu bishi alag ase, etu Karone etiya tai bishi rest aru time ase training kari bole karone. Tai tu two week ghor te thaki kena training kura para tai ke bishi motivation aru energy bhi bishi pai jai she. Tai koise ke etiya tai bishi ready aru prepared ase eni last year ke compare kuri she koi lae tu, etu time te tai second round te he  knockout hoi jai she. Alcaraz tu bishi confident ase ke etiya US Open te aru bishi strong performance de thaki she.