Monte Carlo, 14 April : Carlos Alcaraz Sunday din final match te Lorenzo Musetti ke 3-6, 6-1, 6-0 te harai, taik laga first Monte Carlo Masters title jiti lobo parise.
Eitu World No. 3 Spaniard Alcaraz laga chhita Masters title ase, aru Wimbledon last year jeetibo pora etiya lagsabse dangor title bhi eitu e ase. Alcaraz already four bar Grand Slam jeetise.
Alcaraz ranking te ekta position uthi jabo aru Alexander Zverev ke hatai No. 2 position loi jabo. Final te Italian player Musetti ke harabo nimite Alcaraz ke peechor pora aahi jabo lagise. Musetti already duita Top 10 player — Stefanos Tsitsipas aru Alex de Minaur — ke harai kene final te pounche thakise.
Musetti laga opening service to haar jabo, kintu tar por fight back kori first set jiti lobo. Alcaraz to etiya laga game te confused thakise.
Kintu Spanish player Alcaraz second set te tai laga performance improve kori 6-1 te jeeti lobo.
Final set te bhi Alcaraz laga domination continue korise. Musetti laga right leg te problem shuru hoi, aru tai 0-3 thaka time te treatment loise.
Musetti try korise fight koribo, kintu Alcaraz laga intense aru powerful gameplay ke handle koribo naparile.
Musetti nimite thora consolation eitu ase ki tai ranking te uthikene No. 11 te ponchise, aru clay season jabo jabole ase French Open (Roland Garros) nimite, tai pora aru bhal performance aashakor kora jai.
Alcaraz nimite eitu third consecutive clay-court final ase — last year French Open jeetise, aru Paris Olympics te silver medal bhi paise.
Previous round te Alcaraz laga Spanish compatriot Alejandro Davidovich Fokina ke 7-6 (2), 6-4 te jeeti lobo nimite chhoyta match point lage thakise.
Musetti, juntu ranked 13th ase, semifinal te Alex de Minaur ke 1-6, 6-4, 7-6 (4) te harai thakise. Tai Friday din quarterfinals te defending champion Stefanos Tsitsipas ke bhi harai dishe.
Add Comment