California, 11 March : Duita bar defending champion Carlos Alcaraz Monday din Canadian Denis Shapovalov ke 6-2, 6-4 te harai loishe aru Indian Wells ATP Masters te rare three-peat karibole aghe jabo karone. Spain pora world number three Alcaraz laga performance bishi clinical thakise, aru last 16 te jagah banao loishe. Match laga shuru te Shapovalov ke ekdom overpower korikena 5-0 lead loi jaishe aru first game te forehand down the line marikena break pai loishe.
Alcaraz koi thakishey ki match laga starting fast thakibo bishi important thakise, karone Shapovalov recent te Dallas te title jitise aru Acapulco te semi-final te punchi loishe. Alcaraz laga defence bhi strong thakise, jun te tai four break points laga pora three save korise aru eight chances laga pora four convert korikena match finish korise ekta overhead marikena, jun Shapovalov barely touch koribo parise. Tai laga performance te satisfied thakise, hoilebi alak chutu-chutu improvements koribo lagekoila koi thakishey. Tai aim korikena ase Roger Federer aru Novak Djokovic logote join koribo, kun khan California desert te three straight titles jiti loishe.
Dusra matches khan te, world number four Taylor Fritz, jun 2022 te Indian Wells champion thakise, Chilean Alejandro Tabilo ke 4-6, 6-3, 6-1 te harai dishe. Fritz koi thakishey ki tai “super random mistakes” koribo bondh korikena match control loishe. Argentina pora Francisco Cerundolo, Botic van de Zandschulp ke 6-3, 6-4 te harai dishe, jun Dutch lucky loser Novak Djokovic ke second round te harai dishe thakise. Cerundolo next round te Australian ninth seed Alex De Minaur logo te kheli bo, jun Hubert Hurkacz ke 6-4, 6-0 te pura dominate korikena 50th match win Masters 1000 level te pai loishe.
Men’s top seed Alexander Zverev, fourth seed Casper Ruud aru number six Novak Djokovic already tournament pora bahar hoishe. Mahila laga top five seeds khan safely fourth round te punchi loishe — Aryna Sabalenka (world number one), Coco Gauff (third-ranked), aru Madison Keys (fifth-ranked Australian Open champion) Monday din jitise. Aryna Sabalenka 62nd-ranked Lucia Bronzetti ke 6-1, 6-2 te harai dishe, hoilebi Stadium Court laga unpredictable wind karone match etiya bhi olop difficult thakise koi thakishey. Madison Keys, jun Melbourne final te Sabalenka ke shock dishe thakise, Elise Mertens ke 6-2, 6-7 (8/10), 6-4 te harai dishe. Keys laga match finish koribole time lagise karone tai duita match points convert koribo napara hoishe aru tiebreaker te bhi struggle korise, but last te 2 hours 48 minutes te match finish korise.
Coco Gauff laga service game te improvement dekhaishey aru Maria Sakkari ke 7-6 (7/1), 6-2 te harai dishe. Last year semi-final te Gauff ke harai thakise Sakkari, but itu bar Gauff laga performance strong thakise.
Add Comment