Italy, 20 March : Ferrari laga Carlos Sainz toh cockpit dey wapis ahiwpley taiyar asey itu haafta Australian Grand Prix dey appendicitis karney ekta surgery lua piche dey, team para Wednesday dey kuishey. Itu Spaniard para Saudi Arabia dey jaa par laga Formula One race miss kurishey, kitia 18-saal British reserve driver Oliver Bearman ke ekta replacement dishey. Itu jawaan rookie tai laga debut dey impressive seventh dey khotom huishey. Huilewi Bearman toh Formula 2 dey Sainz aro fit huina wapis ahiwoley asey.
Sainz toh winner Max Verstappen aro Red Bull teammate Sergio Perez laga piche dey third ahishey Bahrain dey itu season laga opening race dey.
Red Bull para itu one-two feat Jeddah dey repeat kurishey, kutey Sainz laga teammate Charles Leclerc para podium fill kurishey.
Sainz toh season khotom huwoley homoi Ferrari at chari asey Mercedes laga seven-time world champion Lewis Hamilton karney raasta panawoley.
Add Comment