Carolina Marin jokom kah piche deh Paris Olympics para ola bole laki jai shae

August 4, 2024: Spain laka Former Olympic gold medalist Carolina Marin, tai kanti nah giri jai shae, taila women’s singles badminton semifinal deh. Match kila time deh tai, taila right knee keh jokom kuri di shae aro jokom kah tho ola bole laki jai shae. Marin tho China laka He Bing Jiao laka against lead kuri taki shae 21-14, 10-6 score deh. Marin, tai awkward para giri jah tho match para ola bole laki jai shae. Etu incident tho semifinal match laka second game time deh hui shae. Tai ekta return shot execute kuri bole jump kura tho court deh awkwardly giri jai shae. Tai court deh gira lokot deh kanta shuru hui shae. Medical staff para ekta phat moto kuri shae. Tai match tho continue kuri bo karne wapas tho ahi shae aro tuita kili shae, hoile b tuita b hari shae. Hara piche deh tai limp kuri nah court laka alak side deh jai shae aro mat deh slam kuri nah bishi bia para kanti taki shae. Marin, kun 2016 Rio Olympics deh gold medal jiti shae, India laka PV Sindhu keh harai di nah, tai 2020 tokyo Olympics tho miss kuri shae, ekta knew injury karne. Paris Olympics tho taila final Olympic appearance taki bo pareh. Marin tho bronze medal face off kuri bo karne wapas ahi bole ase nah nai, etu tho itia b najaneh.