January 23, 2026: Manchester United laga midfielder Casemiro toh Premier League side toh chare de bole ase, etu season khotomho piche, tai laga contract expire hoi jabo koi she. 33 sal player toh ekta option be ase, ekta sal extension pabole, hoile be club khan etu nakure bo koi she, team source khan laga hesab te.
United para tai laga contract toh renew aro extend nakure bo toh poila para babe loi she. Casemiro para club khan ke request kure she tai olai jabole laga confirm kure de be koi she.
Casemiro para koi she ki, tai Manchester United toh rai laga sob jiwan karne bukhe kena jabo koi she. Casemiro toh August 2022 te Old Tradfford te punche she, Real Madrid laga hath para 60 million pounds laga fee karne. Pas bar Champion League winner toh enia team laga midfielder laga achor hoi jai she, tai 21 goal go shai she 146 games te.
Casemiro toh dangor ekta role khele she United khan ke 2023 League cup jete bole, tai header go shai kena New Castle United khan ke harai de she final te. 2024 te United FA Cup winning team laga member be thake she tai toh.
Add Comment