July 28, 2026, 6:11 PM: ‘Catch the Rain’ opor tey ekta awareness campaign loishey, itu Jal Sanchay Jan Bhagidari under tey, kunu toh hoiley, 27th July, 2026 tey loishey, Town Council Hall, Chiephobozou tey. Itu event toh hoiley, Chiephobozou Town Council para organize kuria laga thakishey, aru itu event toh hoiley ekta renewed call logotey khotom kurishey, collective action loboley nimitey, pani laga resource khan conserve kuriboley, rainwater harvesting promote kuriboley aru Jal Sanchay Jan Bhagidari toh manu khan laga Campaign banaboley, pani laga security aru ekta sustainable future nimitey.
Ekta keynote address deliver kuri kena, ADC & EO, Chiephobozou Town Council, Vekusheyi Rhakho, NCS para itu event laga significance aru objective khan highlight kurishey. Itu sob pani laga drop toh conserve kuriboley lagi thaka aru rainwater harvest kuria toh ekta collective responsibility asey koi kena emphasize kuri kena. Tai para point out kurishey ki, Nagaland tey toh hoiley ekta hisap para pani giri thakey hudai saal, hoilebi kunba significant portion, itu rainwater toh hoiley hari jai thakey, surface runoff hoa nimitey, bhal para harvest nakuria para naholebi bhal para conserve nakuria para. Itu nimitey tai para aru remind kurishey ki, moi khan jaga tey bishi potential asey, itu pani lagi thaka ke address kuriboley aru aru-bhi bishi wala pani laga security ensure kuriboley paribo, rainwater harvest aru conserve kuriley.
