Uttar Pradesh, 4 November 2024: Video ekta dikhi paishey Purana Congress MLA Gajraj Singh laka bacha, Bobby ekta local mobile dukan malik ke mari thakishey. Etu incident toh Uttar Pradesh laka Hapur te hoishey.
Bobby aro tai laka sati khan pra Ankush Kukreja, local mobile dukan malik ke marishey, ekta restaurant te Delhi Road te, Kotwali Nagar jaka te Saturday din rati te.
Kukreja, Mohalla Patel Nagar laka manu pra kwa toh Bobby aro tai laka sati Rahul Sharma, Archit Bansal. Amardeep Kalithar aro alak charta taike Food Panchayat Restaurant te confront kurishey, Rs5 lakh demand kuri thakishey. Tai puisa nadibo kwa karne group khan taike hamla kurishey aro biya pra jokom kuri kina chari dishey.
Etu hoi kina Kukreja ke hospital te admit kuri dishey critical condition te, tadeh echa treatment pai ase.
Police khan etu khota te investigation kurishey. Jitendra Sharma koishey authorities khan complaint paishey etu duita group ke regard kuri kina. Hoileh b tai clarify kurishey findings khan pra kki extortion case ola nai.
Sharma koishey duita party b history ase enika jakara laka aro bishi cases ase taikhan laka against te file kuri kina.
Add Comment