Mumbai, March 06 : Ajay Devgn laga film ‘Shaitaan’ tu joldi release hobole asey. Etu film tu March 08, 2024 te dangor screen te release hobole asey Etu film laga maker para etu film laga trailer release kora homoi para etu film tu manu khan majotey dangor impact kurikina asey. Etu film te Ajay Devgn, R Madhavan aro Jyotika lead role te asey. Etu film release hobole ageyte, ekta report para dawa kurisey ki Central Board of Film Certification (CBFC) para U/A certified kurisey hoilebi etu film te olop bodli anibole koikina.
Etu film te pura puri 4ta changes aro ekta part katibole disey. Censor Board para etu koikina ekta voiceover dhalibole disey ki ‘etu film para kala jadu ke support nokorey’. Etu laga alava, board para etu film te chola letra kotha ke ekta chila laga awas para replace kuribole bi koisey. Etu majotey, etu film tu kala jadu laga huwa nimitey, etu film te bisi khoon laga scene asey. Etu nimitey, CBFC para etu film laga makers khan ke muk para khoon ola laga part tu 25% katidibole koisey. Etu film te mudu kha laga ekta message bi dibole request kurisey. Etu bodli khan anikina, Shaitaan film laga pura puri duration tu 132 minute laga hoijaisey
Etu film te R Madhavan tu villain laga role aro Jyothika aro Ajay Devgn tu mota-maiki laga role kuribole asey.
Add Comment