CBI para Deputy DG ke case registered

April 19, 2021. Sunday din te Central Bureau of Investigation (CBI) para Directorate General of Mines Safety (DGMS) laga public servant aro konuba private manuh khan beya kam kora thurishe. Etu manuh khan para Interview Board logot kotha koikena konuba candidates ke oral exam te motob mangkishe koishe. Etu nemite Deputy Director General (Central Zone), DGMS, Head Office, Dhanbad, tui(2) jun private manuh aro dosura manuh ke case registered korishe. Khobor hesab te Deputy Director General (Central Zone) aro konuba private aro dosura manuh khan para oral exam samai Computer Based Examinations for Manager’s, Certificate of Competency (Restricted & Unrestricted) te motob korishe. Etu exam toh Directorate General of Mines Safety (DGMS) para loishe aro interview board logot besi tangor poisa thikena motob mangkishe koishe. Aro koishe ke, Deputy Director General (Central Zone) para etu interview te Private mauh para koikena 48 candidates ke qualified kori thishe. Etu candidate khan hath para Public Servant khan para Rs 1.5 lakh loishe aro sob melaikena Rs 72 lakh loishe koishe. Khobor hesab te etu poisa toh tui(2) installments te dosura private manuh (public servant laga ghor  manuh) Lakhisarai (Bihar) te thibo thakishe. CBI khan para kam korikena 1^st installment exchange kora samai Rs 35 lakh toh etu manuh laga hath para thurishe. Itya 12 jaga aro Lakhisarai, Dhanbad, Ranchi, Nagpur, Udaipur, Shahdol, Hyderabad, Bilaspur te pesari ase, etu oper te documents aro articles paikena case toh investigation jai ase koishe.