CBI para senior IAS officer ghor check korishe

JAMMU: Thursday (April 21) darik te CBI para senior J&K IAS officer laga ghor check korishe, tai toh corruption case connection te suspect kora nemite agency para investigated korishe. Official laga khobor hesab te, Central Bureau of Investigation (CBI) para senior Indian Administrative Service (IAS) officer, Navin Choudhary, principal secretary agriculture production aro farmers welfare department laga ghor te jaikena check korishe. Etu checking toh former officers of Chenab Valley projects construction limited laga ghor aro Mumbai, New Delhi, Bihar aro Jammu te construction company laga jaga te jaikena check korishe. “etu checking toh J&K government para complaint hesab te CBI para corruption case registered kora connection te check kora ase,” koikena khobor para aro janaishe. Khobor hesab te, former J&K Governor Satyapal Malik para koishe ke, tai ke tuita(2) files clear kori thiboli nemite Rs 300 crore offer thishe, hoilebi tai para reject korishe koishe. Malik laga kotha hesab te, Jammu & Kashmir government para CBI logot charges toh investigated koriboli janaishe.