Mumbai, 24 March : Char saal laga thorough investigation pichete, Bureau of Investigation (CBI) ekta closure report submit kurise aru koi dishe ki murder laga evidence nai paise. Itu closure report dui ta case laga account te submit kurise: Sushant Rajput laga baba pora tai laga girlfriend aru actress Rhea Chakraborty upor accusation aru Rhea pora Sushant laga family upor allegations, koi thaka hesab te anik media reports te.
CBI char saal investigation kurise pichete itu closure report ahi se. Kai Po Che actor 34 saal thakise jabole tai mora jai se. Tai laga laash Mumbai apartment te June 14, 2020 te paise. Tai laga sudden death fans khan karone dangor jhatka hoishe aru taikan suspect kurise ki foul play hoishe. Black magic, drugs aru anik dubious manu laga conspiracy thaikise, jun karone case CBI ke transfer kurise.
CBI itu case Bihar Police pora August 2020 te loishe. CBI koi dishe ki Sushant Singh Rajput laga death case te murder laga evidence nai paise aru heitu ke akhon suicide buli declare kurise. Rhea Chakraborty aru tai laga family laga naam bhi clean kurise, aru kunba galti nai paise.
CBI itu case te dui ta FIR te mention thaka sob manu khan ke bhi clear kurise, include kurikina Rhea Chakraborty, tai laga parents, aru tai laga bhai. All India Institute of Medical Sciences (AIIMS) pora forensic team bhi confirm kurise ki Sushant Rajput laga mori jaw laga case murder nai, heitu ekta suicide ase buli.
Sushant Rajput laga mori jaw pichete, Bihar Police Patna te case file kurise based on tai laga baba KK Singh pora complaint dikhai thaka hesab te, aru case te abetment to suicide laga charge thaikise. Actor laga family Rhea Chakraborty upor accuse kurise ki tai Sushant ke mentally torture kurise, tai ke medication dikhai thakise, financially exploit kurise aru tai laga mori jaw te involved ase buli.
Case closure announcement pichete, Rhea Chakraborty laga lawyer Satish Maneshinde CBI ke dhanyobad janai dishe karone sob aspect thoroughly investigate kuribo karone. Tai laga statement te, tai koi dishe, “Pandemic time te sob manu TV aru social media te focus thaikise karone country te kunba kaam hobo nai thakise. Nirdosh manu khan ke media aru investigative authorities laga samne publicly humiliate kurise. Moi asha kuri ase ki heitu kunuba case te repeat nohoi… Rhea Chakraborty anek misery face kurise aru 27 din jail te thakibo porise tai laga kunba galti nai thakibo bhi. Tai ke bail release kurise Justice Sarang V Kotwal pora.”
Add Comment