EDUCATION | August 12, 2019(IANS): Central Board of Secondary Education (CBSE) laga examination fee Scheduled Caste (SC) aro Scheduled Tribe (ST) students khan nimete Rs 50 thaka toh Rs 1200 kurai dishe .
Juwa haafta etu notification diya te koishe ki general category students kun paanchta subject nimete Rs 750 di thaka toh etia Rs 1,500 diibole lagibo.
Akhe te SC aro ST students khan sob subject nimete Rs 50 di thakishe etia tai khan paanchta subject nimete Rs 1,200 dibole olai ase aro extra subject loishe koile toh aro additional Rs 300 dibole lagibo.
CBSE students kun khan Class X aro XII examinations dibole ase tai khan Class IX aro XI te register kuribole lageh.
Class XII laga practical laga fee toh ekta subject te Rs 70 uthaishe Rs 80 nohoikena .Tai khan etia ekta practical nimete Rs 150 dibole lagibo.
Notification te aro bi board khan para schools khan ke etu hisaab te hi charge kuribi koishe aro etu uporte additional poisa lobi judi registration toh hoikena thakishe koile toh. Class X aro XII laga examination fee toh Visually-impaired candidates khan nimete charidishe.
Add Comment