GUWAHATI, November 18, 2019: Central Board of Secondary Education (CBSE) pora olap ake te 357 vacant posts karne recruit kuribole laga notification olai dise.
Etu form ke online applications te fill up kuriya toh November 15, 2019 te suru kuribo aro December 16, 2019 tak dhakibo.
Bishi categories Group-A, Group-B aro Group-C vacant posts nishena CBSE khan pora oali di kena ase.
CBSE te bishi vacant posts khan enika ase-Assistant Secretary (14), Assistant Secretary (IT) (7), Analyst (IT)(14), Junior Hindi Translator(8), Senior Assistant (60), Stenographer (25), Accountant (6), Junior Assistant (204), Junior Accountant (19).
Assistant secretary, assistant secretary (IT), Analyst (IT), Junior Hindi Translator khan laga vacant post te apply kuribole karne, sob ekta post ke Rs 1500 application fees karne online payment kuribole lage.
Hoile bhi, senior assistant, stenographer, accountant, junior assistant, junior accountant khan laga vacant post ke apply kuribole karne, ekta post karne online payment Rs 800 application fees dibole lage.
Application fees karne Online payment toh Unreserved/OBC/EWS category laga candidates khan pora hi dibo lage.
SC/ ST/ PwBD/ Ex Servicemen/ Women/ Regular CBSE Employee(s) categories laga Candidates khan toh application fees nadibo.
Etu vacant post karne online application fill kuribole karne official website cbse.nic.in te jaboleparibo.
Add Comment