Agencies, 08 June: Celebrities te actors Priyanka Chopra Jonas, Olivia Colman, Liam Neeson aro singer Katy Perry be melikena UNICEF para open letter te sign korise. Etu letter te G7 desh khan para 20 percent tai khan laga covid-19 dawai toh motob lakiya khan ke donate koribole koise. UNICEF laga website te letter te koise, ahibole G7 Summit toh ekta ektum kaam laga opai hobo dawai toh desh te komchor manu khan osor tak ponjibo nemite.
Actors Whoopi Goldberg, Orlando Bloom, Ewan McGregor, Tea Leoni, Lucy Liu, Alyssa Milano, singers Pink, Liam Payne, Selena Gomez, Billie Eilish, veteran model Claudia Schiffer, former football star David Beckham, tennis star Andy Murray toh 29 personalities khan majote ase. Tai khan para opor te janaideya statement te sign korise. Tin din summit toh June 11 para 13 direk tak Cornwall, UK te lobole ase aro besi issues khan cover kora thakibole ase aro besi phak group para kenaka coronavirus para duniya toh recover koribo etu opor te thakibo.
Etu toh agae par ase pandemic suru howa bechae para G7 leader khan meeting lobole. Pandemic toh kothom hobole dekthar ase sob jaga te te kothom nahowa tak. Etu mani sob desh te joldi aro eki para tak dawai pabole laga ase koise.
Statement hisab te, United Nations Children’s Fund (UNICEF) para COVAX laga behalf te dawai de ase hoilebe etiya COVAX toh lakiya jaga te 190 million doses komti te ase koise.
Konbah desh khan para dawai toh etu sal bechae phali debo koise hoilebe doses toh etiya laki koise. UNICEF study hisab te, G7 desh khan ke joldi besi doses toh thakibo June aro August majote tai khan laga 20 percent dawai 150 million opor doses toh debole koise. Etu be aji kali laga plan adult population ke vaccinate koribole laga te deri nahoi kena paribo koise.
Leeter te be etu urgent donations toh August para koribole koise aro supply otha hisab te donations othabole roadmap bonabole koise.
Poila 200 duniya laga leaders (formers presidents, prime ministers aro ministers) khan para campaign te support korikena Group of Seven (G7) dhun desh khan para duniya laga sobse dukhiya desh khan ke tai khan laga two thirds USD 66 billion nesana lakiya toh pandemic kelaaf fight nemite debole kowa thakise.
India ke toh ekta guest desh hisab te tin-din laga event te matishe aro Prime Minister Narendra Modi toh health aro climate change te virually (online) para kotha koribole bhabona ase. John Hopkins University COVID-19 tracker hisab te, duniya te coronavirus para 3,730,500 opor jevaan loise aro 173,360,900 opor cases confirm hoise.
Add Comment