May 20, 2026, 5:53 PM: Ekta teen din laga mandatory training programme shuru hoishey, Field Trainers khan nimitey, India laga Census 2027 under tey, May 20 tey, itu Commissioner laga Circuit House, Kohima tey, Kohima, Tseminyu, Wokha aru Zunheboto district khan para participant khan ke eke logotey ani kena.
Itu inaugural programme ke address kuri kena, SDO (Civil) Sadar, Er. Seyiekhrietuo Solo para koishey ki, itu Census exercise toh hoiley ene chutu mutu mata count kuria para bhi bishi jai aru tatey bishi durr laga impact thaki kena asey, itu developmental landscape opor tey, itu State laga. Itu 2001 aru 2011 Census ke refer kuri kena tai para note kurishey ki, gap han aru discripency khan, data tey, developmental indicator aru planning tey affect kurishey, alag alag level khan tey. Tai para itu nimitey, itu upcoming Census conduct kuria laga importance opor tey stress kurishey, accuracy aru sincerity logotey, aru bhi bhal planning aru development ensure kuriboley karney, itu aha saal khan nimitey.
Solo para koishey, Field Trainers khan laga rol toh hoiley ekta important asey itu alag khan nishina hey, itu Census process tey, kiley maney utu toh hoiley enumerator khan aru field worker khan ke train kuria tey responsible hoboley asey.
