Guwahati, December 29 : Ekta lasting thakibole laga shanty fale yaad rakhibole laga kadam utha te, United Liberation Front of Asom (ULFA) para Decemebr 29 te shanty laga agreement sign kurikina central aro Assam laga sarkar logotey haath milaisey. Etu yaadgar event tu Union Home Minister Amit Shah, Asaam laga CM Himanta Biswa Sarma aro etu ceremony te mojud thaka alag dangor manu khan laga mojudgi te hoisey aro yatey para Assam laga nutun chapter suru hoisey.
Etu agreement, kuntu tu bisi saal baat-chit kora picheyte pura hoisey etu laga maksat tu Assam te bisi saal para chuli thaka atangwad ke khotom kuridibole laga asey. Assam te bisi lamba para chuli thaka rajneetik, economic aro samajik problem ke address kora etu agreement para rajya te ekta lasting thaka stability anibole laga kosis kra tu dikhai asey.
Etu agreement te ULFA laga hardline faction shamil huwanai kuntu ke Paresh Baruah para cholai. Paresh Baruah para sarkar laga shanty laga appeal ke reject kuridisey. Baruah, kun China-Myanmar border fale buhi asey tai tu etu shanty lga baat-chit kora laga ekdam khilaf te thaki asey.
Add Comment