Central Crime Branch para oxygen black market thurishe

Bengaluru: Bengaluru Central Crime Branch police para 36 umer manuh ek jun ke thurishe koishe. Etu manuh para black marketing kora te medical oxygen toh government para rate fixed kora logot 10 paar wala oper dham para bekai thakishe. Police laga khobor hesab te etu manuh laga nam toh Ravi Kumar ase aro tai toh Peenya, Siga Gasses Private Limited te manager ase koishe. Drugs Control Department of Karnataka laga medical oxygen suppliers’ list hesab te etu company toh tuita(2) plants ase, Peenya industrial township te ekta ase aro dosura toh Bommasanadra industrial township te ase. Etu laga data hesab te, Ravi Kumar toh tuita(2) plants laga incharge ase aro ek jun Devaraj koikena tai toh etu plants laga managing director ase. CCB para koishe ke, Ravi Kumar toh Peenya Industrial jaga, Siga Gases plant te in charge aro tai para 47 litres oxygen cylinders toh Rs 3,000 te bekai thakishe. “tai para bekeri kora toh government laga rate para 10 paar oper dham ase. Government laga rate te 47 litres oxygen toh 300 ase,” koikena police officer para janaishe. Friday din te tai para tuita(2) oxygen cylinders 47 litres laga toh Rs, 6000 para bekiri kora sami jaga te thurishe, koikena officer para aro janaishe.