November 20, 2024, 05:12 PM : Itu Central Nagaland Tribes Council (CNTC) toh hoiley ekta Cultural Exchange Program host kurishey, Senden Riju, Purana Bazaar, Dimapur tey para, 20th November, 2024 tey.
Itu jama kuria manu khan ke address kuri kena, itu program laga chief host para, PHED aru Cooperation laga Minister – Jacob Zhimomi para unity laga importance emphasize kurishey, itu tribe khan bhitor tey, itu state laga progress nimitey. Tai para itu community khan ke urge kurishey itu harmony aru collaboration toh continue rakhiboley karney koishey, stress kuri kena ki, internal difference khan overcome kuria toh jaroori asey koi kena, social, political, aru economical development nimitey, aru tai para koishey ki, Naga manu khan toh hoiley eke logotey khara thakiboley lagey aru ekta awaz para hey kotha kuriboley lagey, recognition paboley karney.
Zhimomi para itu Naga community laga poila laga history opor tey yaad kuri kena koishey, note kuri kena tai khan laga takot aru solidarity thaka laga, statehood agetey. Eneka thakilebi, tai para chinta thaka laga express kurishey, itu division khan laga opor tey, kuntu toh hoiley utu homoi para dikdar di kena ahi asey, eke thaki kena agey bariboley thaka tey. “Unity toh hoiley moi khan laga development laga cornerstone asey. Moi khan eke thaki kena kaam kuriboley hey lagibo, ekta aru bhi tagra aru aru-bhi prosperous Nagaland banaboley karney toh,” tai para koishey.
Road & Bridge laga Minister – G. Kaito Aye, tatey special guest thaki kena, tai laga speech tey, itu initiative ke commend kurishey, itu teenta tribe khan ke eke logotey ana nimitey, ekta platform under tey, harmony aru collective progress symbolize kuri kena. Tai para koishey ki, eneka nishina program khan toh hoiley eke thaka celebrate kurishey aru mutual understanding celebrate kurey aru tai para aru koishey ki, itu initiative khan toh hoiley vital asey, bond khan majbut kuriboley karney itu Naga tribe khan majetey.
Add Comment