November 3, 2023: Press Information Bureau, Ministry of Information & Broadcasting, Kohima para ekta One Day Media Workshop, ‘vartalap’ organized kuri shae.”Central Government Initiative/Schemes in Nagaland’ theme laka pitor deh. Etu workshop tho taikan Dr Oriental Grand, Kohima, 2nd November 2023 deh organized kuri shae. Workshop deh Principal Director, Directorate of School Education, Nagaland Thavaseelan K chief guest taki shae. Tai workshop keh address kura time deh alaka alak Central Schemes kan tho common manu kan keh janai dibo lakeh kui shae. Tai para etu tho government department laka responsibility ase kui shae. Thavaseelna para alak alak schemes laka accessibility tho aro ekta problem ase kuiu shae kuto manu kan para face kureh.
Etu laka kotha deh, tai para manu kan laka majo deh awareness kan bana bo lakeh kui shae. Kinaka kuri nah etu Central schemes kan access kuri bo leh. Tai para etu deh media kan zaruri role play kureh kui shae. Khali awareness kan napa nai nah kobor kan b manu kan khe dibo leh.
Senior Journalist Oken Jeet Sandham para Prime Minister Narendra Modi tho manu kan karne laka laka welfare schemes kan introduce kuri shae kui shae. Hoile b tai para manu kan etu schemes laka kobor nai kui nah upsos deh ase kui shae. Mr Sandham para schemes kan tho manu kan karne ase kui shae aro sob eligible manu kan etu benefits babo leh right ase kui shae.
Etu hui nah technical session deh, alak alak department laka resource manu kan para media kan keh Central Government laka schemes deh kobor di shae. Principal Chief Conservator of Forest and Wildlife Warden, Government of Nagaland, Vedpalpara Forest Conservation (Amendment) Act 2023 deh kotha kuri shae, Assistant Engineer, Directorate of School Education Nagaland, Sani Pongen para One Nation, One Student ID deh presentation di shae.
Add Comment